 |
| Светот во 2005 |
|
| 7/1/2008 Балкан
Русија форсира комплементарна енергетска политика за синхронизирана реализација и контрола на енергетските рути кои ќе го поврзуваат Каспиското Море и Балканот
Во втората половина на декември, Русија потпиша серија договори во енергетската сфера, кои ја илустрираат тенденцијата на Кремљ за спроведување на комплементарна енергетска политика за реализирање на своите стратегиски интереси. Москва очекува потпишување на серија енергетски документи при посетата на Путин на Софија на 17-18 јануари, што коинцидира со прославата на Годината на Русија во Бугарија и 130-годишнината од завршувањето на руско-турската војна. Сето тоа има силна симболика со што Кремљ најавува дека преку енергетиката претендира на долгорочно присуство во регионот на Балканот. повеќе |
|
|
| |
Најнова анализа
| | 14/8/2008 Поранешен СССР
Репозиционирање на Русија и Азербејџан во енергетската политика
Изминатите недели беше забележливо репозиционирањето на Русија и Азербејџан во енергетската политика, во контекст на плановите на Москва за купување на азербејџански гас и негов транспорт преку руска територија. Во почетокот на јуни, руската компанија „Газпром“ официјално истапи со понуда до Азербејџан, за купување на азербејџанскиот гас по пазарни „европски цени“. Ваквата иницијатива беше формализирана за време посетата на рускиот претседател, Дмитри Медведев на Азербејџан на 3 јули, на која беше постигната согласност за започнување преговори за условите за купување на азербејџанскиот гас. Станува извесно дека Русија зазема нов приод во напорите за одржување на монополот врз каспискиот и централноазискиот гас, со понудата на значителна повисока цена за откупување на гасот. Договорот кој „Газпром“ го постигна со Туркменистан на 25 јули околу утврдување на цената на гасот, дополнително ја зацврстува руската позиција. Азербејџан од своја страна ќе се обиде да ја искористи иницијативата на Русија за да ги зајакне преговарачките позиции за продажбата на својот гас во Европа, што не ја исклучува и согласноста на Баку на руската понуда. Во секој случај, геополитиката ќе биде пресудниот фактор кој ќе го детерминира финалниот исход од острата конкуренција за обезбедување на контролата на извозот на гасот од каспискиот регион. повеќе |  | |
| | | |
| |